الشاعر محمد فتحى السيد

الموقع الرسمي للشاعر محمد فتحى السيد مؤسس ورئيس مجلس إدارة رابطة شعراء العامية المصرية في 24 / 1 / 2011 شعر وأدب ونقد ودراسات أدبية وقراءات تحليلية وسجالات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عيون القمر - محمد فتحى السيد و جيهان فتحى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 202
تاريخ التسجيل : 30/10/2017
الموقع : جمهورية مصر العربية

مُساهمةموضوع: عيون القمر - محمد فتحى السيد و جيهان فتحى   الخميس نوفمبر 02, 2017 2:24 pm

=-=-=(( عـيـون الـقـمـر ))=-=-=
الشاعر محمد فتحى السيد والشاعرة جيهان فتحى خنساء الاسكندرية
------------------------------
محمد

ياعيون القمر انتى
بحرى وموجى وسفينتى
فيكى المراسى
ياحاسه احساسى
ياصحبتى وناسى
ياتاج على راسى
والمملكه انتى
____________________
جيهان

عيون القمر عشقاك ..
قلبك حرير وسماك ..
متزينة نجومي ..
بلم أنا هدومي ..
وأنا داخلة محرابك ..
يخايلني ضي بهاك
__________________
محمد

ده انعكاس نورك
من قلبك الشفاف
غرقنى فى بحورك
ورموشك الصفصاف
رافضه تغطينى
بيت الياقوت والماس
ف عينيكى خبينى
انا دوبت م الاحساس
__________________
جيهان

أنا دوبت من قبلك ..
من همسة من قلبك ..
رسمت لكوني مدار ..
احضني بين كفك ..
دوبني ف ملامحك ..
اقفل علية محار ..
يا كل احساسي ..
دونك نسيت ناسي ..
اعزفني ع الأوتار
_____________________
محمد

الله على الألحان
اشجينى اشجينى
عملت قلب كمان
اوتاره شراينى
والريشه شعت نور
من لحنك النادر
غنت بنات الحور
صبح الوجود ساحر
_____________________
جيهان

يا لحن ألحاني ..
دايبة ف وجداني ..
كل حروف الشوق ..
هركب معدية ..
وحنيني ف ادية ..
يصفى الوجود ويروق ..
قلبي حمام زاجل ..
حبك قرار عاجل ..
ونطير سوا على فوق
_____________________
محمد

كان الجناح مكسور
لكن بحبك نما
كل الوجود مبهور
من حبنا فى السما
كل الهموم اختفت
يااحلى بنيه
حتى النجوم استحت
وايديكى ف ايديا
يـ اللى غرامك ملك
روحى وحواشيا
انسيه ولا ملك
بث الحنان فيا ؟؟؟
______________________
جيهان
حبك سرى فيا ..
والأصل جنيه ..
شوفت الحنان منك ..
لقتني بلطيه ..
بعوم ف شريانك ..
والنبض أغنيه ..
يا عشق كل الكون ..
موصوفلي قلب حنون ..
بس انت دوب فيا
_____________________
محمد

احبك موت احبك موت
واتوه وياكى فى الملكوت
وانا صاحى وانا نايم
وانا رايق وانا مضغوط
احبك موت احبك موت
اشم عبير فى انفاسك
واشرب شهد من كاسك
ولما تنطقى اسمى
اضيع بين الصدى والصوت
واحبك موت احبك موت
_______________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://poetmohmedfathy.ahlamontada.com
 
عيون القمر - محمد فتحى السيد و جيهان فتحى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر محمد فتحى السيد :: سجال شعري - مساجلات الشعر العامي العربي-
انتقل الى: