الشاعر محمد فتحى السيد

الموقع الرسمي للشاعر محمد فتحى السيد مؤسس ورئيس مجلس إدارة رابطة شعراء العامية المصرية في 24 / 1 / 2011 شعر وأدب ونقد ودراسات أدبية وقراءات تحليلية وسجالات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  تشكيلة رائعة من أقوي الأمثال الشعبية المضحكة

اذهب الى الأسفل 
كاتب الموضوعرسالة
عزة محمود على حسن

avatar

المساهمات : 9
تاريخ التسجيل : 02/11/2017
الموقع : القاهرة

مُساهمةموضوع: تشكيلة رائعة من أقوي الأمثال الشعبية المضحكة    السبت نوفمبر 11, 2017 3:57 pm


تشكيلة من اقوي الامثال المضحكة 2017
وهي عبارة عن امثال شعبية تم تحريفها وإعادة صياغتها بشكل كوميدي
وتعكس خفة دم المصريين
نقلها لكم . عزة محمود على حسن
-----------------------

ياداخل بين البصله وقشرتها حط قطرة علشان هادمع من ريحتها .
ياخبرالنهارده بفلوس بكره ينزل عليه أوكازيون .
القرش الأبيض بيعوم فى البحر الأحمر .
ضربوا الأعور على عينه قالهم كسرتوا النضاره .
يا واخد القرد على ماله …. بكره يروح القرد وتقعد لنا إنت بداله .
اتلم سونسون على تنتون … والاتنين انظف ما يكون .
يا مأمنه للرجال …..يا مأمنه للقرد فى السنغال .
الباب اللى يجيجلك منه الريح شيله وركب قبنورى .
اجرى جري الوحوش‏ اوتوبيس 710 ماتلحقوش .
قالوا للحرامى أحلف قالهم وحياة قلبى وأفراحوا .
أبوك البصل وأُمك التوم منين لك الريحة الطيبة يا مشوم .
ارميه في السطوح وإن كان لك فيه قسمه ما يروح .
اطبخي يا جارية كلف يا سيدي: يضرب في الخادمة لا تستطيع الطبخ رغم أن سيدها يحضر لها ما يتهيأ به الطعام.
اضرب الطاسة تجي لك ألف لحاسة: يضرب في تجمع النساء في الولائم والأعراس.
اللي ما ربته أمه تربيه الليالي .
العيون البصاصة تندق فيها رصاصة .
العيب اللي في الوجه ما يتغطي ولا يندس.
اللي يشور عليك بالطلاق ما يواسيك في الفراق .
بكفي أسقيه وبايدي القم فمه ويحط اصابعه في عيني ولا يستحي على دمه .
من باعك بالفول بيعه بقشره .
يجي لك يوم ياناكر خيري يوريك زماني من زمان غيري.
ما ينقل اخبارك الا من دخل دارك .
على قدر لحافك مد رجليك .
الراجل فى البيت رحمة ولو كان فحمة .
الراجل الخايب خِلفته كتير، والبطيخة القرعة لبها كتير .
قصقصي ريش طيرك قبل ما يلوف على غيرك .
لو كانت الرجولة شَنبات كان الصرصار سيد الرجال .
جنازة بتار ولا قعدة الراجل في الدار .
جت الحزينة تفرح .. شغلت شريط حكيم وقعدت ترقص.
قال اطبخي يا جارية .. الأنبوبة فاضية يا سيدي.
اللى مايشفش من الغربال يكشف نظر.
من خرج من داره .. ماينساش يقفل الترباس .
اصوم اصوم وافطر على المدفع.
وبكرة ريما ترجع .. من عند خالتها في مارينا.
لو كان حبيبك عسل .. حطله طحينة.
لا تبكي على اللبن .. في البسكوت.
اللى بيته من أزاز .. مايغيرش هدومه في الصالون.
من طلب العلا .. يتفضل في كابينة 4.
فاقد الشيء .. يدور عليه.
أخد ابن عمي و اتنشر عليه بكمي و آخد ابن خالي و اتنشر عليه بشالي .
أخد ابن عمي و اتنشر عليه بكمي و آخد ابن خالي و اتنشر عليه بشالي .
ادم البخوت للندل و الندلة و مكتكتين الشعر و الهبلة .
اللى تتجوز يوم الأربع على بيت أبوها ترجع واللي تتجوز يوم الحد مايعلاش عليها حد واللي تتجوز يوم الجمعة ما ينشفلهاش دعمة .
اللى يقول لها جوزها يا عورة الناس يلعبوا بيها الكورة .
جوز الصبية على الفراش بيقول الحى عندى أبقى من الميت .
كنت عازب مستريح من الكساوى و المونة قام عقلى قال اتجوز جت وقعتى فى الشعنونة .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تشكيلة رائعة من أقوي الأمثال الشعبية المضحكة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر محمد فتحى السيد :: الحكم والأمثال والأقوال المأثورة الشرقية والغربية-
انتقل الى: