رجعتلك - الشاعر محمد فتحى السيد

رجـعـتـــــــلك ..
رجعتلك رغم الضغوط
رجعتلك ف الصعب افوت
قلبى سمك
رمشك شبك
عينك بحاري والمراكب والشطوط
لو غبت عنك ياحبيبى يوم اموت
. . . . . رجعتلك
لأن قلبى دقلك
وحنلك ورقلك
مشتاق حبيبى اتأملك
وبهمس شوقى اونسك
نفسى ياروحى المسك
تمحى جروحى اتنفسك
رجعتلك
رجعتلك بعد الغياب
نادم وخايف م العتاب
نفسى المحك
واستسمحك
تكوني على قلبى الوصى
ف دروب مشاعري ترقصى
كل حواسى تدللك
رجعتلك . رجعتلك
..................
محمد فتحى السيد