زجل مغربي . الشاعر ايوب السحياوي

كلمات:ايوب السحياوي
..
شوف هم الناس تنسى لهموم
كيف دام حال يدوم حال
لاتشكي لاتكون مضيوم
شوف الي قبلك خدم وجال
امشي فطريقك يوم ورا يوم
من غير دراعك لاتكون عوال
الفقر ماهو عيب ولا مذموم
الفقر قلعه تولد لرجال
خلي كلامك رزين ومفهوم
امشي وضحك ورد البال
السن الي يتبسم راه مسموم
تلي لقوال سبق لفعال
خاوي راسك وسرك فبالك معلوم
الي يسال عليك عليه سال
والي خلاك من خبارك خليه محروم
...يتبع....
رأيك يهمني?

وراه حنا ابويا قلال
واش فينا مايتقسم
علاش بيغتوني نستسلم
ياك انا وياك مسلم
.
. هاذي قصة مشات مع لاجيال
كنا كلنا عايشين خوت نقطفو الفاكهه والتوت
وكلا على بلادو يموت
.
.
دخل علينا البراني بلاستغلال
بعد مافرحنا وشدينا الاستقلال
قسمنا ووهمنا وربطنا بلغلال
قسمو منا صحرا خلابة بالجمال
.
.
وشاهد المولى لكبير الجلال
ماكنا نفرقو لعربي ولاشلح
مافينا لاسدرة ولا طلح
مافينا لا سكر ولا ملح
.
.
كنا ديما خوت مايفرقنا الضلال
كان بحال محمد بحال احمد
علمونا هلنا ديما الله نحمد
كلا يعمل لقبرو لفيه يرقد
واش تخلط نهار مع اليلال
.
.
تقلبت لحكاية على راويها
ولا الساكن بلادو داعيها
معمر ارض الناس وارضو خاويها
فين الخاوة وحسن العمال
.
.
دخلو معانا بحال السوسة
ولات محبتنا فيها الغش وملبوسة
واش فيها الدنيا ولات محسوسة
الزمان محقور مافيه لازين ولا كمال
.
.
تغشو فينا يسحابونا دمدومة
واقف على رجلو فراس الحومة
حنا الصبارة عايشين عيشة مهمومه
حنا الرجالا لي علمنا الرجال
.
.
كلمات ايوب السحياوي

ايوب السحياوي...
ياصاحبي كلك عيوب
ياصاحبي كلك كذوب
قولي امتا غدي تتوب راه عييت منك انا
وجهك شحال صحيح
خايفك غدا لاطيح
وامتقدر على لفضيح
براكا عليك من الخيانا
غدي تبقا شفايه لناس
وخا كتقول انايا لاباس
لازم تكون عندك فكرة فراس الوقت معاك وغدا معانا
وعقل ديما ياصاح عليا
شحال عاشرتك بصفا ونيا
وكتقول نتا ديما ضحيا
ويوم فراقنا را جانا
كان عندك صاحب صديق
يواسيك في الشدة والضيق
وعاونك في الخطوة وطريق
لاكن كنتي غدار وخنتي لأمانا
يااصاحبي لاتقول مضلوم
وتحط عليا كل الهم والوم
راني بايت سهران ومهموم
حنداش عايش اليوم بلانا

البنات شادين الشيشة
والرجال تنفخو بتشيشة
خيابت الدنيا خيابت لعيشة
الناس عبدولكدوب لاحب لازفته
.
لكلام كثير والجهد راشي
تنوي لحلال ترجع بلاشي
لحق فهاد الزمان مايسواشي
قساحو لقلوب والحجرة ولات كفته
.
الزمان تبدل والخبزة صعابت
الهموم على الضعيف رابت
الامال عند المسكين خابت
فزمان تزرع لبطاطة تولي لفته
.
ايوب السحياوي