الشاعرة عزة الزرقانى
..................................
نفسك تشوفنى ؟
وتشوفنى ليه ؟
ح تكون واحشنى ؟
ح تقول لى أيه ؟
بعد العمر ما عدى وراح
بعد ما قلبى نساك وارتاح
بعد خلاص ما طلع لى صباح
نفسك تشوفنى ؟
نفسك تشوفنى علشان عارفنى
صعب أن أعيش من غير عنيك ؟
وتشوف ملامحى تفرح بجرحى
تتشفى فيا دمعى يداويك
وتطيب جروحك وتهنى روحك
لحظة ما بضعف تضحك عنيك
نفسك تلاقى شمعى اللى باقى
أطفى نوره دبل شعوره
علشان شاريك ؟
أنا مش ح أقول لك
أن أنت كلك موحشتنيش
لكن بقول لك
من غير وجودك بقدر أعيش
واحلم واغنى وافرح لأنى
قدرت أبعد ومهمنيش
نفسك تشوفنى ؟
..............................
عزة الزرقانى
