رباعيات صلاح جاهين . موضوع متجدد

رباعيات صلاح جاهين . موضوع متجدد


أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق
عجبي
---------
على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟
عجبي
---------
غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي
---------
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحر

الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

“ أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام

عجبي !! ”

“ أنـا الّى بالأمر المحال أغتـوى
شفت القمر نطيت لفوق فى الهوا
طلته ما طلتوش ايه انا يهمنى
وليه .. ما دام بالنشوة قلبى ارتوى

عجبى !! ”

“ الضحك قال يا سم ع التكشير
أمشير وطوبة وانا ربيعى بشير
مطرح مابظهر بنتصر ع العدم
انشالله اكون رسماية بالطباشير

عجبى !! ”

“ قالوا السياسة مهلكة بشكل عام
وبحورها يابنى خشنة مش ريش نعام
غوص فيها تلقى الغرقانين كله

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي
----------------
سنوات وفايته عليّا فوج بعد فوج

واحدة خَدِتني إبن والتانية زوج

والتالتة أَب خدتني والرابعة إيه

إيه يعمل إللي بيحْدفُه موج لموج ؟

عجبي
----------------
مـع إن كـل الخلق مـن أصـل طين

وكلهـــم بينزلــوا مغمضــين

بعـد الــدقايق والشــهور والســنين

تــلاقى ناس

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!

فى يوم صحيت شاعر براحة وصفا
الهم زال والحزن راح واختفى
خدنى العجب وسئلت روحى سؤال
انا مت ؟؟؟ ولا وصلت للفلسفة
وعجبى

ليه يا حبيبتى ما بينا دايما سفر
دا البعد ذنب كبير لا يغتفر
ليه يا حبيبتى مابينا دايما بحور
اعدى بحر الاقى غيره اتحفر
وعجبى

ياللي بتبحث عن إله تعبده

بحث الغريق عن أي شئ ينجـده

الله جميل و عليم و رحمن رحـيم

أجمل صفاته .. وانت راح توجده
عجبي !




إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !



يا طير يا عالي في الســما طظ فيك

ما تفتكرشي ربنا مصطـفيك

برضـك بتاكل دود و للطين تعًًًًودً

تمـص فيه يا حلو .. و يمص فيك

عجبي !

ولدي نصحتك لما صوتي اتنبــــــــــــح"

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!"


غمض عينيك و ارقص بخفة و دلع"

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع

عجبي !!"

"فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح
عجبي !!"

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنما
كتم الغنا هو اللي ح يموتك
عجبي!!!

" أنا قلبي كان شخشيخة أصبح جرس
جلجلت بُه صحيوا الخدم و الحرس
أنا المهرج .. قمتوا ليه ؟ خفتوا ليه ؟
لا فإيدي سيف ولا تحت مني فرس

عجبي ! "

" إنسان أيا إنسان ما أجهلك !
ما أتفهك في الكون وما أضألك
شمس وقمر و نجوم وملايين سدوم
وفاكرها - يا موهوم - مخلوقة لك ؟!

عجبي ! "

إنســان أيــا إنســان ماأجـهـلك
ماأتفهك في الكون وما أضألك
شمس و قمر وسدوم وملايين نجوم
وفاكرها يا موهوم مخلوقة لك؟
!!!عجبي

عجبى على العجب العجيب العجاب
لما الحقيقة تطل بعد احتجاب
وتروح وتحلا وفجأة تصبح مفيش
كمثل طراطيش بحر ياما خد وجاب

عجبى !

علقت فى المسمار قناع مهزلة

جنبيه قناع مأساة بحزنه ابتلى

بصبت لقيتهم بيشبهوا بعض

واهو دا العجب ياولاد وإلا فلا .

وعجبى

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي

انا شب لكن عمري ولا الف عام
وحيد ولكن بين ضلوعي زحام
خايف ولكن خوفي مني انا
اخرس ولكن قلبي مليان كلام
عجبي

عحبي عليك يا زمن
يابو البدع يا مبكّي عيني دما
ازاي انا اختار لروحي طريق
وانا اللي داخل في الحياة مرغما
عحبي

انا قلبي كان شخشيخة اصبح جرس
جلجلت به صحيو الخدم والحرس
انا المهرج قمتو ليه خفتو ليه
لا بايدي سيف ولا تحت مني فرس
عجبي

حاسب من الأحزان وحاسب لها
حاسب على رقابيك من حبلها
راح تنتهي ولا بد راح تنتهي
مش انتهت احزان من قبلها؟
عجبي

على بعد مليون ميل من أرضنا
من الفراغ الكوني بصيت أنا
لا شفت فرق ما بين جبال أو بحور
ولا شفت فرق بين عذاب أو هنا
عجبي!!


حاسب من الأحزان وحاسب لها
حاسب على رقابيك من حبلها
راح تنتهي ولابد راح تنتهي
مش انتهت أحزان من قبلها
عجبي!!


في يوم صحيت شاعر براحة وصفا
الهم زال والحزن راح واختفى
خدني العجب وسألت روحي سؤال
أنا مت؟ ولا وصلت للفلسفة؟
عجبي!!

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي!!

“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”
عجبي!!