"" المُحاكمة """""
حْكم القاضي بحْكَامْ
أومن بعد حكامو ما بْقى كلامْ
شحال من مداولة .... دْلالة
أوللحق الدّار لجام
شحال تهانت من رجالَة
أوتخْشات وسط الزحام
كانت عل الحق عوالة
أوتصفى السما من لغيام
فرسان كانت لبارح خيالة
الدّْيرْ لقفالها روام
ولات عايشة عيشت البُهْالة
تقضي حياتها تخمام
أوناس سايرة تتعالى
ما تسمع ما ترد سلام
الدوام للعالي تعالى
أومن بعد منو كولو حُطامْ
قوتْ الشوف تهْرْسو أجْلالة
أولفياق يفيق من لحلام
الفرق بين الزربية والدربالة
كيف الفرق بين الكره أولغْرام
صبحات الحالة ما هي حالة
أوصعْباتْ العيشة وسْطْ لخيام
كولا داير لراسو كالة
ولي ما عندو يتخيلها فلمنام
حكام الدنيا يتْبالة
وحكام الله ما بعدو حكام
ثم تتْحل المسألة
أوما عمَّر النور يعود ظلام
----------
الحساني
