صعب جدا ..
إني أعيش أستسمحك ..
وإني أعيش جوة مدارك ...
بس علشان ألمحك ..
وإن شمسي وضي قمري ..
كل غايته يفرحك ..
وانت تكسيني بجليد ..
وانا بقضي كل عيد ..
أدعي ف صلاتي يرجعك ..
صعب جدا ..
~*~*~*~*~*~*~
صعب جدا ...
رغم إني دايبة فيك ..
والحياه ف أطراف عنيك ..
والهوا بتنفسه ..
علشان أعيش ذكرايَ بيك ..
رغم إني حضني بيتي ..
بين إديك ..
صعب جدا ..
إني أعيش أستسمحك ..
زي بردو ما مستحيل ,,
إني لحظة أجرحك ..
~*~*~*~*~*~*~
رغم كل الصعب جدا ..
بس عاشقة المستحيل ..
الدقيقة ف بعدي عنك ..
ليل طويل ..
والحياه خارج حدودك ..
ضي مكسور جاي ذليل ..
والهوا لامس خدودنا وكان عليل ..
رغم كل الصعب جدا ..
عمري لحظة ما أودعك ..
من غير كلام بستسمحك ..
جاي نبض قلبي بشوقي ليك ..
برسالة من فوق الرموش ..
يلمس إديك ويرجعك ..
~*~*~*~*~*~*~*~
جيهان فتحي
============