أشعار مرسي جميل عزير . موضوع متجدد

سنختار روائع من أشعار مرسي جميل عزير
ونعيد نشرها لحضراتكم هنا في هذا الموضوع المتجدد
بحيث نجعل كل قصيدة في تعليق مستقل
لتيسير الأمر على القراء والشعراء المهتمين والباحثين
فـتـابعـووووونا

فات الميعاد
--------
فات الميعاد و بقينا بعاد و النار بقت دخان

و رماد تفيد بإيه يا ندم و تعمل إيه يا عتاب

طالت ليالى الألم و إتفرقوا الأحباب

و دموع فى فراق و دموع فى لقا

تعتب عليه ليه أنا فى إيديه إيه

فات الميعاد

ياما كنت أتمنى أقابلك بإبتسامة

أو بنظرة حب أو كلمة ملامة

بس أنا نسيت الإبتسام زى ما نسيت

الآلام و الزمن ينسى حزن و فرح ياما

إن كان على الحب القديم إن كان على

الجرح الأليم ستاير النسيان نزلت بقالها

زمان و إن على الحب القديم و أساه أنا

نسيته ياريت كمان تنساه تفيد بإيه يا ندم

و تعمل إيه يا عتاب تعتب عليه ليه أنا

فى إيديه إيه فات الميعاد !

الليل و دقة الساعات تصحى الليل

الليل و حرقة الأهات فى عز الليل

و قسوة التنهيد و الوحدة و التسهيد

لسه ماهمش بعيد !

و عايزنا نرجع زى زمان قول للزمان

إرجع يا زمان و هات لى قلب لا داب و لا

حب و لا إنجرح و لا شاف حرمان

تعتب عليه ليه أنا فى إيديه إيه

فات الميعاد ! من نارى من طول

لياليه من فرحة العزال فيه من قسوتك و

أنت حبيبي و قسوة الدنيا عليه بينى و بينك

هجر و غدر و جرح فى قلبى درايته بينى

و بينك ليل و فراق و طريق أنت اللى بديته

تفيد بإيه يا ندم و تعمل إيه يا عتاب

فات الميعاد !

أنا قلبي إليك ميال
------------
أنا قلبي إليك ميال
ومفيش غيرك ع البال
إنت وبس اللي حبيبي
مهما يقولوا العُذال
................
وبحبّك قدّ عينيه
حتى اكتر منها شويّه
واسألها انت وحلّفها
على طول حتقول لك هيّه
................
والدنيا إنت بهجتها
والبهجة إنت فرحتها
والفرحة انت ياحبيبي
حلاوتها وابتسامتها
...............
ومليت الدنيا عليّه
ودّ .. حبّ .. حنيّة
خلّيتني أحب الدنيا
طول أيامي ولياليّه

ألف ليله وليله
--------------
يا حبيبي .. الليل وسماه ..
ونجومه وقمره .. قمره وسهره
وإنت وأنا.. يا حبيبي أنا .. يا حياتي أنا..
كلنا .. كلنا.. في الحب سوا ..
والهوى آه من الهوى
سهران الهوى يسقينا الهنا .. ويقول بالهنا .. يا حبيبي
يللى نعيش في عيون الليل
ونقول للشمس تعالى تعالى بعد سنه .. مش قبل سنه
دي ليلة حب حلوه بألف ليله وليله ..
بكل العمر .. هو العمر إيه غير ليله زي الليله
.............................. .......
إزاي أوصفلك يا حبيبي إزاي
قبل ما أحبك كنت إزاي
كنت ولا إمبارح فاكراه .. ولا عندي بكره أستناه..
ولا حتى يومي عايشاه..
خدتني بلحب في غمضة عين ..
وريتني حلاوة الأيام فين ..
الليل بعد ما كان غربه مليته أمان
والعمر إللي كان صحرا أصبح بستان
يالا نعيش في عيون الليل
ونقول للشمس تعالى تعالى بعد سنه .. مش قبل سنه
دي ليلة حب حلوه بألف ليله وليله ..
بكل العمر .. هو العمر إيه غير ليله زي الليلة
.............................. .....
يا قمر ليلى .. يا ظل نهاري يا حبي .. يا أيامي الهنية
عندي لك أجمل هديه ..
كلمة الحب إللي بيها .. تملك الدنيا وما فيها
واللي يفتح لك كنوز الدنيا ديه ..
قولها ليه ..
قولها للطير .. للشجر .. للناس
لكل الدنيا ... قولها ..
الحب نعمه ... مش خطيه
الله محبه .. الخير محبه .. النور محبه ... يا رب
تفضل حلاوة سلام أول لقا في إيدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب ....
لا عمر كاس الفراق المر يسقينا
ولا يعرف الحزن مطرحنا ولا يجينا
وغير شموع الفرح ما تشوف ليالينا
يا حبيبي ....
يلا نعيش في عيون الليل
ونقول للشمس تعالى تعالى بعد سنه . مش قبل سنه
دي ليلة حب حلوه بألف ليله وليله...
بكل العمر .. هو العمر إيه غير ليله زي الليلة ..
ونقول للشمس تعالى بعد سنه . مش قبل سنه
دي ليلة حب حلوه بألف ليله وليله...
بكل العمر .. هو العمر إيه غير ليله زي الليلة

ليه ياقلبي ليه
----------
ليه ياقلبي ليه .. بتحلفني ليه
أخبّي الحكاية .. وأداري عليه
مااوصفلوش عذابي .. وحيرة شبابي
وحبّه اللي خدني .. من أهلي وصحابي
وازاي بس أداري .. وازاي يبقى جاري
واتشوّق إليه
...................
لا مش قادرة اخبّي .. بحبّه يا قلبي
وأحلف إنه اول .. وآخر حبايبي
واديني حقول له .. كلامك دا كلّه
شوف حتعمل إيه
...................
راح أقول له كل اللي داريته
راح أقول له إزاي حبّيته
راح أقول له وحأقوله وأقول له
وياريته يسمعني ياريته
ياقلبي بحبّه .. ومغلّبني حبّه
لكن أعمل إيه

أأي والله أي والله
-----------------
ي والله أي والله .. وحشونا الحبايب
وعيون الحبايب والله
...........................
أي والله أي والله .. أي والله ياخال ..
دوّبنا من الصبر حبال
وقاسينا في البعد ليالي ..
أطول من نوم العُذال
.............................. ..
أي والله أي والله .. ياأعز الأحباب
أي والله أي والله .. والشوق غلاب
دنيتنا في بعادكو ظلام ..
وايامنا من غيركو عذاب
...........................
أي والله أي والله .. ياغاليين جايين
ببحور الأشواق عايمين عايمين
وحشتنا الدنيا وحلاوتها ..
وحشتنا عينيكو الحلوين

لولا الملامة يا هوى
--------------
لولا الملامة يا هوى لولا الملامة
لأفرد جناحى ع الهوى زى اليمامة
وأطير وأرفرف فى الفضا
و أهرب من الدنيا الفضا
و كفاية عمرى اللى إنقضى و انا
بأخاف من الملامة و آه من الملامة
.............................
سألونى كتير سألونى عليك بتحبيه
أيوه أيوه و حأنكر ليه
فرشوا لى الأرض دموع
والشمس جراح و ده كله عشان حبيت
ولا عشان قلت أنا حبيت
..........................
ياعيون عطشانه سهر يا قلوب مشتاقة سفر
كتروا م الحب تلاقوا فى الضلمة ألف قمر
بنحبّ يا ناس ننكر لو قلنا ما بنحبش
بنحب يا ناس وما حدش فى الدنيا ماحبش
والدنيا يا ناس من غير الحب ما تنحبش
حتى اللايمين زينا عاشقين
لكن خايفين لايمين تانيين
لولا الملامة يا هوى لولا الملامة

مال الهوى
-------------
مال الهوى يامّه مال الهوى يامه
انا لا ملت اليه ولا ندهت عليه
هو اللي مال يامه مال الهوى يامه
مال الهوى
فات الهوى عالعين ما عرفتش جالها منين
سرق سواد الليل وكحل الجفين
واحترت اقوله ايه وانا لا ملت اليه
ولا ندهت عليه هوه اللي مال يامه
مال الهوى
ضلل عليه جناح هفهف شوية وراح
وزين الخدين بالورد والتفاح
واحترت اقول ايه وانا لاملت اليه
ولا ندهت عليه وهو اللي مال ايامه
مال الهوى
يا خوفي يامه يعود يطلب عيوني الشود
ويقطف التفاح والورد من عالعود
واحتار اقوله ايه وانا لا ملت اليه
ولا ندهت عليه هو اللي مال يامه
مال الهوى

نورا
------
نورا يانورا يانورا .. ياورده ناديه ف بنوره
اسمك على رسمك صوره .. م القمر انه ياقمورة
نورا يانورا يانورا
نورا يا اسم على مسمى .. الليل بيه يبقى نهار
عشت انت وعاش من سمى .. يا اميره على النوار
يانسيم رفاف .. يا شعير شفاف .. ولافيش اوصاف
توفيكى الحق يانورا
ياحلو ياللى الهو هفهف على توبك
أغير عليك م الهوا واحسد عليك توبك
مجروح ومالك دوا يا قلبى مكبوبك
اسمك على رسمك لايق .. سبحان من ابدع رسمك
ياندى الصبيحه الرايق .. اسم الله يانورا على اسمك
ياليالى العيد من غير مواعيد
ابو حظ سعيد اللى تحن عليه نورا
نورا يانورا يانورا

شباكنا ستايره حرير
--------------
شباكنا ستايره حرير من نسمة شوق بيطير
وبقى لي كتير يا حبيبي يا حبيبي بقالي كتير
استنى تجيب الفرحه والتوب الابيض والطرحه
ونطير زي العصافير
شباكنا ستايره حرير ياللا يا حبيبي نطير
واقطف لي من البستان عقدين حب الرمان
وتلات وردات اخوات اشبكهم ع الفستان
ونطير زي العصافير
شباكنا ستايره حرير يلا يا حبيبي نطير
والنسمه تلعب بينا وتجيبنا وتودينا
نصبح على فرحة ورده ونبات على نور الياسمينا
ونطير زي العصافير
افرد جناحين الشوق وتعالى نطير من فوق
نسكن مع نجمه بعيد مشغوله بحب جديد
لا حد هناك يسمعنا مهما نقول ولا نعيد
ونطير زي العصافير
شباكنا ستايره حرير من نسمة شوق بيطير

عيون القلب
-----------
عيون القلب سهرانة مابتنامش
لاأنا صاحية ولانايمة مابقدرش
يبات الليل يبات سهران على رمشى
وانا رمشى ماداق النوم وهوا عيونو تشبع نوم
وانا رمشى ماداق النوم وهوا عيونو تشبع نوم
روح يانوم من عين حبيبى روح يانوم
****
حبيتك يا حبيبى من غيرماسأل سؤال
وحاسهر يا حبيبى مهما طال المطال
انا بس الى محيرنى وخلانى انام
ازاى انا اقدر اسهر وازاى تقدر تنام

يانا يانا،
-----------
يانا يانا، يانا يانا .. في حبيبي أموت أنا
أموت أنا في حبيبي .. أموت أنا بلهيبي
يا عذابي وحبيبي .. وحبيبي مادري بي
وعلشانه أموت أنا
يانا يانا يا تعبني .. يانا يانا يا سايبني
للعذاب يسهر عليّ .. والسهر يتسلى بيّ
لو صحيح مش داري بي .. ليه بتتلفت عليّ
وأما بتقابلك عينيّ .. ليه بتهرب من عنيي
وأموت أنا بلهيبي .. يا عذابي ، وحبيبي
وحبيبي مادريبي .. وعلشانه أموت أنا
لو تشرّق أو تغرب.. مها تبعد رح تقرّب
رح تجرب ناري ديّ .. يا جميل تصعب عليّ
نار تخلي التلج يغلي .. رح تسرّب منها قبلي
واللي حينجيك عيني .. يا جميل تصعب علي
وأموت أنا بلهيبي .. في عذابي ، وحبيبي
وحبيبي مادريبي .. وعلشانه أموت أنا
إنت خايف من رموشي .. يجرحوك ما بيجرحوشي
دول حبايبك ياحبيبي
ولاّ خايف حبي ياخدك.. بحري تغرق فيه لوحدك
لا دنا معاك ياحبيبي
ولاّ اقولك ، طب وحبك؟؟ غصب عنك رح تحب
ذنبك إيه !! ذنبك بحبك،هو بعد الحب ذنب ؟؟
وعلشانه أموت أنا !!