زجل لبناني . موسى زغيب

ليش بحبَّها؟ - الشاعر موسى زغيب
عَمْ يِسْألوني لَيْش بْحِبَّها؟
كَرْزِه شي إنُّو عَمْ بِلَوِّحْ حَبَّها
وْلِمْ صَبَّها ألله كِتِرْ ما حَبَّها
كَسَّر القالِبْ مِنْ بَعِدْ ما صَبَّها
راحِتْ عَلى غابِة الأرْز مْنَبَّهَه
وْرَكْعِت وْسَجْدِتْ تا تِناجي رَبَّها
كانْ في كُروز تْنَيْن شافوا هَالجَمالْ
وَقْعوا مِنِ الأرْزات.. هِدْيوا بْعِبَّها